سری نگر ہندوستان کا ایک قدیم اور منفرد شہر ، اس کو ترقی کی بلندیوں تک پہنچانا ہوگا: محبوبہ مفتی

جموں وکشمیر کے گرمائی دارالخلافہ کے ترقیاتی منظرنامے میں بدلاؤ لانے پر مرکوز اہم فیصلے کے تحت حکومت نے شہرِ سری نگر کے لئے کیپٹل سٹی ڈیولپمنٹ پلان ( سی سی ڈی پی) کو منظور ی دی اورشہری انتظامیہ کو ضلع انتظامیہ سے الگ کرنے کا اعلان کیا۔
یہ اہم فیصلہ پیر کو یہاں ریاستی وزیر اعلیٰ محبوبہ مفتی کی صدارت میں



ضلع ترقیاتی بورڈ سری نگر کی میٹنگ میں لیا گیا۔منصوبے کے مطابق سری نگر میونسپل کارپوریشن ، سری نگر ڈیولپمنٹ اتھارٹی، لاوڈا،کنٹونمنٹ بورڈ اور گرمائی دارالخلافہ کی ترقی پر مرکوز دیگر بیرونی معاونت والے پروجیکٹوں کو ضلع پلان کے تحت فنڈنگ سے الگ کیا جائے گا اور ایک آزادانہ میکانزم کے تحت مخصوص وسائل فراہم کئے جائیں گے۔